26-oktabr kuni Qirgʻizistonda Qirgʻiz Respublikasi Milliy banki muvofiqlashtiruvida “Butunjahon jamgʻarma kuni” axborot-taʼlim kampaniyasi boshlandi.
Loyiha mamlakatda 2015-yildan buyon amalga oshirib kelinmoqda. Davlat organlari, moliya institutlari, Qirgʻiz Respublikasi Depozitlarni himoya qilish agentligi va sugʻurta sektori vakillari uning hamkorlari hisoblanadi.
Kampaniyadan koʻzlangan maqsad — aholining moliyaviy savodxonlik darajasini oshirish, jamgʻarish madaniyatini ommalashtirish hamda fuqarolarni shaxsiy va oilaviy budjetni oqilona boshqarishga undashdan iborat.