Qirgʻiziston Milliy banki qonunchilik talablari buzilgani sababli «Satikey Finans» MChJ valyuta ayirboshlash byurosi va uning filiallari litsenziyasining amal qilishini 12-noyabrdan 21-noyabrgacha boʻlgan muddatga toʻxtatib qoʻydi.
2022-yil 27-iyuldagi 6334-sonli litsenziya Qirgʻiz Respublikasi qonunlari hamda Milliy bank meʼyoriy hujjatlari talablari buzilgani sababli 10 kunga toʻxtatildi. Chuy viloyati Olamudin tumani Lenin qishlogʻidagi valyuta ayirboshlash byurosi hamda Talas viloyati Aytmatov tumani Qizil-Odir qishlogʻidagi va Bishkek shahridagi ikkita qoʻshimcha filial faoliyatiga taqiq qoʻyildi.